كفاية 30 !!

0 76

بعد (مليونية) الكيزان والثوار أمس تانى الحكومة ما عندها (كبير) غير الشارع وقصة (الكيزان) الفلول دى بقت ما بتأكل عيش ولا بتشرب موية ولا بتكب بنزين ولا بتجيب ليك دواء ازيلوهم وحاكموهم وفكفكوا تمكينهم ودولتهم العميقة المعيقة وريحونا من (المجمجة دى) معقول لينا (سنتين) نحن فى الفلول عملوا ومنسوبي النظام السابق تركوا والمندسين زحفوا والزواحف مرقوا والزواحف مشوا القيادة يهتفوا (الكاب الكاب) ولا (الأحزاب) وما كدة وبس كمان قالوا دايرنوا مع (البرهان) وكانوا دايرنوا يطلع (البيان)

• من اليوم دا تانى ما دايرين نسمع نغمة الكيزان زحفوا والكيزان سوووا والكيزان فعلوا وتركوا يا (هنديك) نقعة النيابة وياهووو داك نجعة (السجن) وياااها ديك (هجعة) المحاكم والمقاصل حاسبوهم واسجنوهم واشنقوهم على جرائمهم ولا (فكوهم) إذا كانوا أبرياء ياكلوا من (خشاش الأرض) ليعملوا لدنياهم و(لشيطانهم الرجيم) !!
• هيكلوا أى حاجة (جيش- شرطة – أمن – “جن أحمر”)
• ازيلوا تمكين أى حاجة اتمكنوا فيها (واطة – بحر – سماء) المانعكم شنو ؟!

الثوار عملوا العليهم سلموكم البلد تسليم مفتاح والكورة الآن فى ملعبكم جبتوها (قوون) وحققتوا مطالبهم واهدافهم وصححتوا المسار أهلا وسهلا ضيعتوها حتطيروا من تمهيدى الانتقاليه ويجى (لاعب) غيركم يجيب للثوار البطولة والحرية والسلام والعدالة !! لقد فترنا من (لواكة) إسطوانة (الكيزان الكيزان) دى … كفاية_30

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد