(كان بدري عليك ) – منتصر جادو

0 127
كان بدرى عليك – منتصر جادو •

▪️ناس زمان فنانين فى كل شي…
• قلبي ما بعرف يعادي – مهما يبدا القسوة قلبك
تلقي بالحنية بادي…..
• كل زول يظلمنا ياما – نشيل عذاب ظلمو ابتسامة
لو نفكر بس نلومو – تلقي ما حلوة الملامة
• قلبي شمعة – الريح طفاها
شفت ليك شمعة بتعادي ؟….
انت رجع لي رسايلي
و الرسائل العندي – شيلها
الصور لو درتها برضو – و كل قصة ريد جميلة شيلها

▪️ناس رايقييين و متسامحين و اغانيهم سمحة و بتعبر عن واقع معاش .
• عشرة الايام – ما بصح تنساها
كانو ما حبيتك وكأنو ما عشناها وضمانا احلي غرام
ليه فجاة دون اسباب
من غير عتاب او لوم
اخترت غيري صحاب
واصبحت قاسي ظلوم
▪️ياخ ديل علماء واطباء نفسيين عديل ما شعراء وبس
مع ازمات الكهرباء و المواصلات والغاز ممكن نضيف ازمة الذوق العام ، المنعكسة تماما فى غنانا الايام دي .
▪️مقطع اول :
كلاب تنبح وما بتعضي – ما برفع ليها يدي (دا كلام يا اخونا)؟
▪️مقطع تاني :
يا نساء العالمين اتعلمتو الشلب وين ؟ بقيتو خبرة خطافين (خطفو) بصوت الفنانة…. حنكتي ليهو من متى
الزول اباكي وما اتى
آهكذا تشلبي؟
ثكلتك امك يا فتى..
(معقولة لكن)…،
▪️كلمات بتعبر عن واقعنا الاصبحت شوارعه ملانه بالكلاب و الخطف .
? كسرة
يا نيلنا ..يا أرضنا الخضراء يا حقل السنا.. يا مهد أجدادي ويا كنزي العزيز المقتنا.. يا إخوتي غنو لنا
رحيونا من (خطفو و خنقو و كتلو) .

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد