▪️ايجابيات – هادى (ود البورت) بورتسودان
▪️ أستمعت لجانب من المؤتمر الصحفي بتاع وزير الثروة الحيوانية، طبعا الصحافة ذات الغرض في الأيام الفاتت استغلت رجوع الباخرة الأخيرة ( وبقوا يقولوا ) رجوع 43 باخرة “عشان الناس ما تفهم وعشان تحس إنو في أخفاق ونحن ما كنا فاضين ليهم” ..
▪️ الباخرة التى تم أرجاعها آخر الأسبوع الفات كانت الأولى من (17) مارس الفائت يعنى باخرة واحدة بعد أكتر من (100) باخرة بدون رجوع ودى (ما حسبوها) !!
▪️ السنة الفاتت من 117 باخرة طول السنة رجعت 42 باخرة منها (دى حسبوها) !!
▪️الايجابيات التى ذكرت فى المؤتمر الصحفى للوزير
▪️ عوائد الصادر في قطاع الثروة الحيوانية في ستة شهور 432 مليون دولار تساوى كل (عوائد) السنة الماضية
- ▪️ صدرنا في ستة شهور 1.432مليون راس بينما في كل السنة الفاتت صدرنا 1.035مليون فقط (منها 800 ألف بس في 28 يوم قبل العيد )
- ▪️ صدرنا في ستة شهور 14493طن لحمة في حين كل السنة الفائته صدرنا 6804 طن فقط !!
▪️ الربط المقدر من أيرادات مطلوبة من وزارة الثروة الحيوانية في ميزانية 2021 م طول السنة 200 مليون جنيه هم حققوا خلال ست شهور 600 مليون جنيه نتيجة لإرتفاع (الصادرات طبعا)،
▪️الوزارة نجحت في الحد من رواجع حمي الوادي المتصدع بل المناعة وصلت 97% دي ما بيتغالطوا فيها ألا (كوز) أو صاحب (غرض) !! - ▪️ الآن عندهم تحدي جديد لأنو المملكة بقت تكشف حمى تانية اسمها الحمى القلاعية (بالـبي سي آر) زي الكرونا يعني بكشفوا المرض من الأجسام المناعية
▪️ في الأول كان البرتوكول فقط يكشفوا الأجسام المناعية وكان بتعدى وما بيسالوا فيها أول أمس أول في باخرة مرت ونزلت في جدة لكن في مخاطرة وتاني الناس تكون حذرة لأنو لا ما عندنا أجهزة ولا معينات لكشف (الحمى دي) وهي مرض مستوطن عندنا المسأله عايزة تدخل من (السيادي) عشان الصادر يستمر مع فترة سماح نحسن فيها أوضاعنا
